أبريل 24, 2017

جمهور اسمعكم قصيده جديده

جمهور اسمعكم قصيده جديده
على لحن ياعين ياليل ياعين
الشعب وافي والحكومه رشيده
ووضاعنا نقطة قلم بين قوسين

ونفس الكلام الي نقوله نعيده
اكبر قضيه هي قضية فلسطين
فقيرنا يمشي مع الدرب سيده
وغنينا مايعترف بالقوانين
كريمنا في البنك صفر رصيده
وبخيلنا وصل حسابه بلايين
بالله كيف نعيش عيشه سعيده
والعام كنا حزب واليوم حزبين
نجهل حقوق الله وحنا عبيده
ولانعترف بانا غلابا مساكين
يسبنا شارون ونقبل ايده
ويقول فري قووود ونقول قودين
وحنا بعض كلامنا ماء نجيده
ونسوي انا فاهمين وعلى الدين
وانا عنيد وعاشق الي عنيده
عزي لمن يعشق بنات السلاطين
هي بنت ناس ومنزلتهم مجيده
وانا من عتيبه سعوط المجانين
.
ونعم ياسعوط المجانين ..

الشاعر عبدالله السماري العتيبي

تابعنا في الفيسبوك

Be the first to comment

اترك رد